ဆိုင်ယာနိုဒ်ခေါ်ဓါတ်ပေါင်းတစ်မျိုးကိုရှာဖွေရန်အတွက် ဆိုင်ယာတက်စမို စက္ကူ

နိဒါန်း

အချို့သောအပူပိုင်းဒေသကောက်ပဲသီးနံများတွင် ဆဲလ်များကိုကြိတ်ချေသည့်အခါ ဟိုင်ဒြိုဆိုင်ယာနစ် အက်စစ် (HCN-၎င်းကို ဆိုင်ယာနိုဒ် (cyanide)သို့မဟုတ် ဖရူးစစ် အက်စစ်(prussic acid)ဟုလည်းခေါ် ကြ သည်)-အဆိပ် ဖြစ်စေသည့်၀တ္ထုပစ္စည်းများပါ၀င်သည့် ဆိုင်ယာနိုဂျဲနစ် ဂလိုင်ကိုဆိုဒ်များပါ၀င်သည်။ချက်ပြုတ်ခြင်းမပြုလုပ်ဘဲ စားသုံးခြင်းကြောင့် ဆိုင်ယာနိုဒ်အဆိပ်သင့်ခြင်းကိုဖြစ်စေနိုင်သည်၊ထိုသို့အဆိပ်သင့်ခြင်းမှာ ဆိုင်ယာနိုဒ် အဆင့်နှင့် လူတစ်ဦးသို့မဟုတ်သတ္တ၀ါတစ်ကောင်သည်ထိုအပင်ကိုမည်မျှကြာကြာစားခဲ့သည့်အပေါ်တွင်မူတည်သည်။ပီလောပီနံမြစ်နှင့်အရွက်များတွင်ဆိုင်ယာနိုဂျဲနစ်ဂလိုင်ခိုဆိုဒ်များပါ၀င်သည်၊ထို့ကြောင့်ပီလောပီနံကိုအဓိကအစာအဖြစ်စားသုံး သောသူများအတွက်စိုးရိမ်ဖွယ်ရှိသည်။ထုံးတမ်းစဥ်လာအရပီလောပီနံအမြစ်များအဆိပ်ဖြေစေရန်ပြုလုပ်ရာတွင်ကစော်ဖေါက်ခြင်း၊ကြာရှည်စွာရေစိမ်ထားခြင်းနှင့်ပြုတ်ခြင်းတို့ပါ၀င်သည်။ချာယာရွက်များတွင်လည်းဆိုင်ယာနိုဂျဲနစ် ဂလိုင်ခိုဆိုဒ် များပါ၀င်သည်၊ ချာယာရွက်များကိုမစားမီပြုတ်ပါကအကောင်းဆုံးဖြစ်သည်၊ထိုသို့ပြုလုပ်ခြင်းမှာထိုအ တိုင်းစားသုံးသည်ထက်HCNများကိုထုတ်ပစ်ရန်ဖြစ်သည်။အီးစီအိပ်ချ်အိုသည်ယခင်ကအပင်များအတွင်းရှိ ဆိုင်ယာ နိုဒ်နှင့်ပတ်သက်၍ရေးသားခဲ့ပါသည်(ဤစာစောင်၏အဆုံးပိုင်းတွင်ထပ်ဆောင်းဖတ်ရှုရန်ကြည့်ပါ။)

အပင်များကို လူသတ္တ၀ါ သို့မဟုတ် ကျွဲနွားတိရစ္ဆာန်များမှစားသုံးရန်စိတ်ချရခြင်းရှိမရှိ ဆုံးဖြတ်ရန်အတွက်အလွန် လွယ်ကူသောစစ်ဆေးစမ်းသပ်မှုတစ်ခုသည်အလွန်အထောက်အကူဖြစ်ပါသည်။ ၂၀၁၄ခုနှစ်တွင်အီးစီအိပ်ချ်အို အပြည်ပြည်ဆိုင်ရာစိုက်ပျိုးရေးညီလာခံကို ဖလောရီဒါတွင်ကျင်းပါစဥ်ဒေါက်တာ ရေး စမစ်မှအီးစီအိပ်ချ်အိုအားအ ပင်ပစ္စည်းများတွင်HCNကိုစစ်ဆေးနိုင်ရန်ဆိုင်ယာတက်(စ)မိုစာစက္ကူနမူနာအမြှောင်းများကိုပေးခဲ့သည်။အပင်ပစ္စည်း နမူနာတွင်ဆိုင်ယာနိုဒ်ရှိမရှိသိရှိနိုင်ရန်အတွက်ဤစက္ကူ၏၂.၅စမ( ၁လမ)အမြှောင်းတစ်ခုသာလျှင်လိုအပ်သည်။ ၅-မ အရှည်အလိပ်ရှိသည့်ဆိုင်ယာတက်(စ)မိုစက္ကူကို စီတီအိုင် စိုင်းယန်းတစ်ဖစ်(အိုင်တမ် ၉၀၆၀၄)မှ ၄၉.၄၅ယူအက်စ် ဒေါ်လာဖြင့်)၀ယ်ယူနိုင်သည်။ဤအလိပ်တစ်လိပ်မှ ၂.၅စမရှိသောစက္ကူအမြှောင်းများရရှိနိုင်၍စမ်းသပ်မှု၂၀၀ ပြုလုပ် ရန်အတွက်လုံလောက်သည်။ စက္ကူများကိုအအေးခန်းများတွင်ထားရန်မလိုအပ်ပါ၊ သို့သော် စမစ် ကမူရေခဲသေတ္တာ တွင်ထားရန်အကြံပြုသည်။

စမ်းသားမှုပြုလုပ်ရန်အတွက်အဆင့်များ

ဒေါက်တာ စမစ်မှ မိမိကိုယ်တိုင်နှင့် ဒေါက်တာ စင်ဒီ ဂါစကေးလ် နှင့် မီရှဲလ် အာနိုး (အားလုံးသည် ကင်တက်ကီ တက္ကသိုလ်မှဖြစ်သည်)တို့ရေးသားထားသည့်ညွှန်ကြားချက်တစ်စုံကိုထုတ်ခဲ့ပါသည်။ အောက်တွင်ဖေါ်ပြထား သည့် အကြမ်းဖျဥ်းဖေါ်ပြချက်များကို ဒေါက်တာ စမစ်၏ခွင့်ပြုချက်ဖြင့်ပြန်လည်ပုံနှိပ်သည်။

၁။ စစ်ဆေးစမ်းသပ်မှုပြုလုပ်ရန်အတွက်ကျယ်ပြန့်သည့်အရွက်လက်တစ်ဆုပ်စာကိုစုဆောင်းပါ။(မှတ်ချက်-စစ်ဆေးစမ်းသပ်မှုတွင်အသုံးပြုမည့်အရွက်သည် ဂျွန်ဆင်မြက်သို့မဟုတ်စော်ဂွမ်ဆူတန်မြက်ကဲ့သို့သော တိရ စ္ဆာန်များအတွက်အစာဖြစ်ပါကတိရစ္ဆာန်များနှစ်သက်မည့်အပိုင်းအားလုံး/တပင်လုံးကိုစုဆောင်းပါ။ အပင်အစို့ များသည်အဆိပ်အများဆုံးဖြစ်သည်။)

၂။ အရွက်များ/တိရစ္ဆာန်အစားအစာများကို အပိုင်းငယ်များသို့ပိုင်းပါ၊ အပင်ဆဲလ်များကြေမွရန်အတွက်အ ပင်ပစ္စည်းများကိုလဲကြိတ်ချေပါ။(အရွက်များနှင့်အရိုးတံများကို၀ါးစားသည့်အခါ”ပျော့အိ”နေသည့်အတိုင်း အပင်ပစ္စည်းများကိုဖန်တီးနေခြင်းဖြစ်သည်။)

၃။ နမူနာများကိုအလုံပိတ်နိုင်သောဇစ်အိပ်များ၏အတွင်းသို့ထည့်ပါ(မရှိပါကထိုအရွယ်ရှိသောထည့်စရာရှာ ၍အ လုံပိတ်ထားပါ)၊၂.၅စမ(၁လမ)အရွယ်ဆိုင်ယာတက်စမိုစက္ကူအမြှောင်းကိုထိပ်ဘက်သို့ဦးတည်၍အိတ်ထဲသို့ထည့်ပါ(စက္ကူအမြှောင်းတဘက်ကိုတိတ်နှင့်ကပ်ပါ၊တိပ်သည်အမြှောင်းတစ်ခုလုံးကိုဖုံးနေပါကအရောင်ပြောင်းမည်မဟုတ်ပါ။စက္ကူကိုကိုင်သည့်အခါလက်အိပ်များ(ဥပမာ၊ရာဘာလက်အိပ်များသို့မဟုတ်ပလပ်စတစ်လက်အိတ်များ) ကိုအသုံးပြုပါ။အိတ်သည်အကြမ်းအားဖြင့်တ၀က်ပြည့်နေရမည်။ အပင်ပစ္စည်းများကိုစက္ကူအမြှောင်းများနှင့် တိုက်ရိုက်ထိနေအောင်ထားပါ၊သို့မှသာထိုအမြှောင်းအရောင်ပြောင်းသွားသည်ကိုသင်ကြည့်ရှုစစ်ဆေးနိုင်မည်။

၄။ အရွက်များကိုခြေသည့်အခါအချို့သောအပင်များ၏အရည်များကိုညစ်ထုတ်သင့်သည်။ နမူနာပစ္စည်းသည် ခြောက်သွေ့နေပါကယင်းပစ္စည်းများစိုစွတ်လာစေရန်အတွက်အိတ်အတွင်းသို့ရေ၁၅မလ(စားပွဲတင်ဇွန်း၁ဇွန်း) ထည့်ပါ။

၅။ အိတ်ကိုချိတ်ပိတ်ပြီးနေတိုက်ရိုက်ထိသောယာဥ်များ၏ခေါင်းမိုးကဲ့သို့သောနွေးသည့်နေရာတွင်ထားပါ။အများ အားဖြင့်အိတ်များကိုနေရောင်နှင့်တိုက်ရိုက်ထားခြင်းဖြင့်ဆိုင်ယာနိုဒ်ဂက်စ်များသည်ထိုပစ္စည်းများတွင်ပါ၀င်နေပါ က၎င်းတို့အား ထုတ်လွှတ်နိုင်လောက်အောင် အပူပေးနိုင်သည်။ ဤလက်တွေ့စမ်းသပ်မှုကိုလေ၀င်လေထွက် ကောင်းသည့်အပြင်ဘက်နေရာမျိုးတွင်ပြုလုပ်သင့်သည်။

၆။ ၁၀ မိနစ်စောင့်ပါ၊ ထိုနောက်စမ်းသပ်စက္ကူအမြှောင်း၏အရောင်ကိုစစ်ဆေးပါ။

၇။ အမြှောင်းသည်နက်ပြာရောင်ပြောင်းသွားပါကဆိုင်ယာနိုဒ်ပါ၀င်နေသည်။အမြှောင်းသည်နမူနာပစ္စည်းများ

မထည့်မီအတိုင်းအစိမ်းနုရောင်ရှိနေပါကထိုနမူနာသည်ဆိုင်ယာနိုဒ်ပါ၀င်ခြင်းမရှိပါ။မည်သည့်အပြာရောင်မဆို ဆိုင်ယာနိုဒ်အချို့ပါ၀င်နေသည်ကိုဖေါ်ပြခြင်းဖြစ်သည်။

၈။ဤစစ်ဆေးစမ်းသပ်ခြင်းသည်စစ်ဆေးမှုပြုလုပ်သည့်ပစ္စည်းနမူနာမှဆိုင်ယာနိုဒ်ထုတ်နိုင်ခြင်းရှိမရှိဆုံးဖြတ် နိုင်ရန်ပြုလုပ်သည့်သာမန်စမ်းသပ်မှုသာဖြစ်သည်။တိကျသော ဆိုင်ယာနိုဒ်ပါ၀င်မှုကိုဤနည်းဖြင့်တိုင်းတာ ခြင်းမလုပ်နိုင်ပါ၊သို့သော်စက္ကူအမြှောင်းငယ်အားအပြာရောင်သို့လျှင်မြန်စွာအရောင်ပြောင်းသွားစေသော နမူနာမှထိုအပင်သည်သိသာထင်ရှားသည့်ဆိုင်ယာနိုဒ်အဆိပ်အန္တရာယ်ရှိနေသည်ကိ သိသာစွာဖေါ်ပြနေခြင်း ဖြစ်သည်။ နမူနာကိုအိတ်တွင်ထည့်ပြီးသည်နောက်”ထိတွေ့နိုင်သည်အထိ”စိုထိုင်းလာသည့်အခါ မိနစ်၃၀ နောက်ပိုင်းတွင်အရောင်ပြောင်းလဲခြင်းနည်းပါက၎င်းသည် ဆိုင်ယာနိုဒ်အဆိပ်အန္တရာယ်အနည်းဆုံးဖြစ်သည် ကိုဖေါ်ပြသည်။

မှတ်ချက်- အပြာရောင်အရိပ်သည်အချိန်နှင့်အမျှအရောင်ပိုရင့်လာနိုင်သည်၊၎င်းသည်ဆိုင်ယာနိုဒ်ပမာဏတစိုးတစ တို့ကို ထုတ်လုပ်နေသည်ကိုဖေါ်ပြခြင်းဖြစ်သည်။ဖြစ်နိုင်ပါကဆိုင်ယာဒိုဒ်ပမာဏကိုသိနိုင်ရန်စစ်ဆေးသည့် စက္ကူ မြှောင်းများကို မိနစ်၃၀ နောက်ပိုင်းတွင်စစ်ဆေးသင့်သည်။

ထပ်ဆင့်နမူနာများ (၃ မှ ၄သည်လက်တွေ့အကျဆုံးဖြစ်သည်) စိုက်ကွင်းသို့မဟုတ်ပစ္စည်းရင်းမြစ်များမှကောင်းသည့် ကိုယ်စားပြုနမူနာဖြင့်စမ်းသပ်သင့်သည်။

စွန့်ပစ်ခြင်း- ချိတ်ပိတ်ထားသည့်အိတ်များကိုအမှိုက်ပုံးထဲသို့ပစ်နိုင်သည်၊ သို့မဟုတ်အိပ်များကိုဖွင့်၍အပြင်ဘက် တွင်လေသလပ်ရန်လေ၀င်လေထွက်ကောင်းသည့်နေရာတွင်ထားပါ။အိတ်မှအခိုးအငွေ့များကိုမရှူပါနှင့် အဘယ် ကြောင့်ဆိုသော်အိတ်ဖွင့်ဖွင့်ချင်းဆိုင်ယာနိုဒ်ဂက်စ်များကိုထုတ်လွှတ်နိုင်သည်။ဆေးကြောသန့်စင်ထားသည့်အိတ် အဟောင်းများသည်အလုံပိတ်နိုင်သည့်ကာလပတ်လုံးပြန်လည်အသုံးပြုနိုင်သည်။ စက္ကူကိုလက်အိတ်မပါဘဲ မကိုင်ရပါ။

EDN 130 figure 2 — **ပုံ ၁။** လှီးဖြတ်ထားသည်အရွက်များပုံ(၀ဲ)၊ အရွက်များကိုမပြုတ်မီ(ယာ)(မူရင်း-တင်း(မ) မိုတစ်။

EDN 130 figure 3 — **ပုံ ၂။** ပီလောပီနံရွက်များအားလှီးဖြတ်ပြီးနောက်(မပြုတ်ရသေး) ဿုံညမှ ၃၅ မိနစ် ပြုတ်ပြီးနောက် ဆိုင်ယာတက်စမို စမ်းသပ် စက္ကူများ၏အရောင် - နှင့် ချာယာရွက်များအား လှီးဖြတ်ပြီးနောက်(မပြုတ်ရသေး) ဿုံညမှ၂၀မိနစ်ပြုတ်ပြီးအရောင်။ ပုံတွင်ဖေါ်ပြထားသည့်ကိန်းဂဏန်းများသည်လှီးဖြတ်ထားသည့်အရွက်စိမ်း(မပြုတ်ရသေးသော)များအားပြုတ်သောမိနစ်များကို ဖေါ်ပြသည်။

အီးစီအိပ်ချ်အို ကနဦးစမ်းသပ်မှုနမူနာတစ်ခု

နည်းလမ်းများ

ဆိုင်ယာတက်စမိုစက္ကူကိုစတင်အသုံးပြုသည်နှင့်တပြိုင်နက်အတွေ့အကြုံရရန်ကျွန်ပ်(တင်(မ)မိုတစ်)သည်ပီလောပီနံ (နီဂရိတာ)နှင့်ချာယာ(အက်ထရဲလာ)ရွက်များကိုအသုံးပြု၍အထက်ပါတိုင်းဆောင်ရွက်ခဲ့သည်။ကျွန်ပ်သည်အရွက်များကိုလိုအပ်သည်ထက်ပို၍စုဆောင်းခဲ့ပါသည်(အိတ်တ၀က်အစားအိတ်အပြည့်ဖြည့်ခဲ့သည်)။ကျွန်ပ်သည်အ ရွက်များကိုစဥ်းပါသည်(ပုံ၂)သို့သော်၎င်းတို့ကိုမချေပါ၊အဘယ်ကြောင့်ဆိုသော်ကျွန်ပ်သည်ချာယာရွက်များကိုစားရန်အတွက်မပြုတ်မီမခြေသောကြောင့်ဖြစ်သည်။နမူနာတစ်မျိုးစီသည် ၇လမ x ၈လမအလုံပိတ် အိတ်ကိုအပြည့်ဖြည့် ရန်လုံလောက်သည်၊အလေးချိန်အားဖြင့်သစ်ရွက်အစို၈၅ဂရမ်ဖြစ်သည်။ကျွန်ပ်သည်ဆိုင်ယာနိုတက်စ်မိုစက္ကူတစ်စကိုအရွက်အပြည့်ထည့်ထားသည့်အိတ်တိုင်းတွင်ထည့်၍စမ်းသပ်သည့်စက္ကူအမြှောင်းကိုဓါတ်ပုံရိုက်ရန်အတွက်မ ထုတ်မှီ ၁၀မိနစ်ခန့်ထားပါသည်။

ချာယာရွက်နှင့်ပလောပီနံရွက်အစိမ်း(မချက်ရသေးသောအရွက်)များကိုစမ်းသပ်ပြီးသည့်နောက်ကျွန်ပ်သည်ထပ် ဆောင်းနမူနာများကို စမ်းသပ်ရန် စုဆောင်းသည်၊ စဥ်းသည်၊ ပြုတ်သည်၊—လတ်ဆတ်သည့် အရွက်တစ်သုပ်စီကို ၅မိနစ် တိုး၍ပြုတ်သည်။ပြုတ်သည့်အချိန်ပြီးဆုံးပြီးသည့် နောက်ကျွန်ပ်သည် မီးဖိုထဲရှိရေ ဇလုံဘုံပိုင်းခေါင်း အောက်တွင်ထား သည့်ဆန်ခါထဲသို့ပြုတ်ထားသည့်အရွက်များကိုထည့်သည်၊ထိုသို့ ထည့်စဥ်ရေအေးဖြင့်တပါတည်း လောင်းသဖြင့် အရွက်များမှအပူရှိန်ကို ချက်ချင်းလျော့သွားစေသည်။ ကျွန်ပ်သည်ဆိုင်ယာနိုဒ်မတွေ့နိုင်တော့သည် အထိပြုတ်သည့်အချိန် ထပ်တိုးပါသည်၊ ပီလောပီနံကို ၈သုတ် နှင့်ချာယာရွက်ကို၅သုတ်ပြုတ်ပါသည်(ပုံ ၁)။

အကျိုးရလဒ်များ

ပီလောပီနံနှင့် ချာယာရွက်များအစိမ်းများ(မချက်ပြုတ်ရသေးသော)နှင့် အမြှောင်းများသည်နက်ပြာရောင်သို့ချင်ချင်း လုနီးပါးပြောင်းသွားသည်၊၎င်းသည်ဆိုင်ယာနိုဒ်များရှိနေသည်ကိုအခိုင်အမာညွှန်ပြခြင်းဖြစ်သည်(ပုံ ၂)။ထိုသီးနှံနှစ်မျိုး စလုံးသည်ပြုတ်သည့်ချိန်၁၀နှင့်၁၅မိနစ်ကြားတွင်အပြာနုရောင်သန်းလာသည်။သို့သော်စစ်ဆေးသည့်အမြှောင်းတွင်ပီလောပီနံသည်ချာယာထက်အပြာရောင်လုံး၀မရှိတော့သည်အထိပြုတ်ရန်မှာပို၍ကြာသည်ကိုတွေ့ရသည်။

ဆွေးနွေးခြင်း

ဤအရာသည်ဘာကိုဆိုလိုသနည်း။ပီလောပီနံကို၃၅မိနစ်ပြုတ်ပြီးနောက်-ချာယာရွက်ကို၁၅-၂၀မိနစ်ပြုတ်ပြီး နောက်-စားသုံးနိုင်သည်ဟုရရှိသောစစ်ဆေးမှုရလဒ်မှညွှန်ပြခြင်းဖြစ်သည်။ဤရလဒ်များသည်တိကျမှုမရှိပါ၊အကြောင်းမှာနမူနာတစ်ခုကိုတကြိမ်ပြုတ်ရန်အတွက်သာပြင်ဆင်သောကြောင့်ဖြစ်သည်။ထိုသို့ဆိုစေကာမူဤစမ်းသပ်လေ့လာမှုကိုအခြားသောသုတေသနများမှတွေ့ရှိချက်များဖြင့်နှိုင်းယှဥ်နိုင်သည်။ချာယာကိုပြုတ်ရာတွင် ၁၅-၂၀ မိနစ်အချိန်တာသည် HCNပါ၀င်မှုစိတ်ချရသည့် ၁၅မိနစ်အောက်ပြုတ်ရသောအချိန်မှဖေါ် ပြချက်နှင့်ကိုက်ညီမှုရှိသည်(ရိုစ်အီဘာရာ နှင့် မိုလီနာ-ခရုဇု ၂၀၀၂)။ လူအများတို့သည်လည်း ချာယာရွက်များကို နူးညံ့လာသည်အထိ၁၀-၂၀မိနစ်ပြုတ်ကြသည်။ ပီလောပီနံရွက်များကိုစားသုံးသည့်အနောက်အာဖရိကတွင်၊ရွက်နုများကိုထောင်း၍မိနစ် ၃၀အထိပြုတ်ကြသည်(FAO ၁၉၉၉)။ထုထောင်းခြင်းနှင့်ပြုတ်ခြင်းကိုပူးတွဲလုပ်ဆောင်ခြင်းသည်အရွက်များတွင်ရှိသော ဆိုင်ယာနိုဒ်များကိုစိတ်ချရ သည့်အဆင့်အထိ၊ထိရောက်စွာလျော့နည်းသွားစေသည်။ဤစမ်းသပ်မှုတွင်စမ်းသပ်သည့်အမြှောင်းများသည်ပြုတ်ပြီး၃၀မိနစ်နောက်ပိုင်းတွင်အံ့သြလောက်အောင်အရောင်ရင့်(နက်မှောင်)လာ၍နမူနာများတွင်ရင့်သောအရွက်နှင့်နုသောအရွက်များ၏အချိုးနှင့်လည်းဆက်စပ်နေပုံရသည် (ဆိုင်ယာနိုဒ် အဆင့်များခြားနားသည်ဟုယူဆရသည်)။

ဤစမ်းသပ်မှုအတွက်လက်တွေ့အသုံးပြုခြင်း

ဆိုင်ယာတက်စမို စက္ကူများကိုအကြိမ်ကြိမ်ပြန်လည်၍အသုံးပြုနိုင်သည်။သဘာ၀အားဖြင့်ဆိုင်ယာနိုဂဲနစ် ဂလူခိုဆိုဒ် ပါ၀င်မှုအဆင့်အမျိုးမျိုးပါ၀င်သည့်ပီလောပီနံအရွက်အမျိုးအစားအမျိုးမျိုးတို့ကိုထိုပြုတ်သည့်အစီအစဥ်အတိုင်းပြုလုပ်နိုင်သည်။အခြောက်လှန်းခြင်းသို့မဟုတ်ကြော်ခြင်းကဲ့သို့သောအခြားသောချက်ပြုတ်နည်းများတွင် ဆိုင်ယာနိုဒ် အားမည်မျှဖယ်ထုတ်နိုင်သည်ကိုစမ်းသပ်ရာတွင်လည်းထိုစက္ကူကိုအသုံးပြုနိုင်သည်။ကျွန်ပ်အနေဖြင့်မစမ်းသပ်ရသေးပါသို့သော်ကြိတ်ချေထားသောသို့မဟုတ်ချက်ပြုတ်ထားသောပီလောပီနံမြစ်များမှHCNမည်မျှထုတ်သည်ကိုစမ်းသပ်ရာတွင်ထိုစက္ကူကိုအသုံးပြုနိုင်မည်။ထိုစမ်းသပ်စက္ကူကိုတိရစ္ဆာန်အစာများ၌ဆိုင်ယာနိုဒ် ပါ၀င်မှု ပမာဏကိုဆုံး ဖြတ်ရာတွင်လည်းအသုံးပြုနိုင်သည်၊မတူသောအရွက်အမျိုးအစားများတွင်HCN အဆင့်များကိုနှိုင်းယှဥ်ခြင်းဖြင့်၎င်း၊ မတူညီသောအစာများကိုပြင်ဆင်နည်းများမှရလဒ်များကို၎င်း၊စမ်းသပ်ရာတွင်အသုံးပြု နိုင်သည်။

ထပ်ဆောင်းဖတ်ရှုရန်

Food and Agriculture Organization (FAO). 1990. Oke, O.L. (edited by J. Redhead and M.A. Hussain). Roots, tubers, plantains and bananas in human nutrition. FAO (Rome). URL: http://www.fao.org/docrep/t0207e/t0207e08.htm

Food and Agriculture Organization (FAO). 1999. Bokanga, M (edited D. Mejia and B. Lewis). Cassava: Post-Harvest Operations. FAO (Rome). URL: http://www.fao.org/3/a-au998e.pdf

Ross-Ibarra, J. and A. Molina-Cruz. 2002. The Ethnobotany of Chaya (Cnidoscolus aconitifolius ssp. aconitifolius Breckon): A Nutritious Maya Vegetable. Economic Botany 56:350-365.

Articles in ECHO Development Notes:

Issue 81: Information on a cyanide testing kit developed by Dr. Howard Bradbury, using picrate paper and a color code to indicate cyanide levels in parts per million. Though we are unsure whether or not the kits are still available, an internet search with the terms “Bradbury cyanide method” will yield a number of related publications.

Issue 80: Information on cyanide levels in leaf protein concentrate made with chaya leaves.

Issue 89: Perspective on cyanogen content in cassava tubers/flour.

Cite as:

Motis, T. 2016. Cyantesmo Paper for Detecting Cyanide. ECHO Development Notes no. 130

ဆိုင်ယာနိုဒ်ခေါ်ဓါတ်ပေါင်းတစ်မျိုးကိုရှာဖွေရန်အတွက် ဆိုင်ယာတက်စမို စက္ကူ

By: တင်း(မ) မိုးတစ်မှတင်ပြသည်၁ ၁ အီးစီအိပ်ချ်အို၊ Inc. ဖေါ့ မာယာ မြောက်ပိုင်း၊ ဖလော်ရီဒါ၊ ယူအက်အေ။

From: ECHO Asia Note Articles